Македонскиот голман, Столе Димитриевски вели дека Грузија е подобра отколку кога пред две години ја победивме, но верува во своите квалитети и квалитетите на соиграчите и очекува победа. Утре во 20Л45 Македонија ќе ја пречека Грузија во меч од третото коло во Лигата на нации.
– Јас за секој меч се спремам да дадам максимум и да имам „чиста мрежа“. Тоа е мој принцип, а Грузија која е одлична селекција, од тој меч во Тбилиси доста напредуваше, дава доста голови, ама и ние можеме да дадеме многу голови, зашто создаваме шанси. Знам какви квалитети имаме и утре ако имаме „чиста мрежа“ ќе го добиеме мечот – изјави Димитриевски.
