Дури и кога не постигнува голови, Един Џеко е секогаш меѓу најдобрите на теренот за својот Интер.
Така беше и синоќа, откако Интер по пресврт ја совлада Парма и се пласираше во четвртфиналето од Купот на Италија.
Најтиражниот спортски весник во Италија Газета дело спорт по синоќешниот натпревар на капитенот на репрезентацијата на Босна и Херцеговина му додели рејтинг од 6,5, што е највисока оценка во тимот на Нероазура.
Иако не го започна мечот против Парма, Џеко ја создаде една од најубавите шанси на играта по само една минута откако влезе во игра, но неговиот удар мајсторски го одбрани 44-годишниот легендарен голман Џанлуиџи Буфон.
Покрај Џеко, оценка 6,5 добија и Ачерби, стрелецот на победничкиот гол за Интер и Федерико Димарко, кој беше автор на исклучителна партија.
Џеко, кому Инзаги очигледно му дава сила поради падот на формата на Ромелу Лукаку, е најдобриот играч и стрелец на Интер оваа сезона и ја покажува својата класа од меч во меч и на 36 години.
