Безвременската „Т’га за југ“ на основоположникот на македонската уметничка поезија и преродбеник и собирач на народни умотворби од средината на 19 век, Константин Миладинов, доби незаборавна интерпретација од шоуменот Игор Џамбазов на 27-то издание на „Златна бубамара на популарноста“.
Џамбазов маестрално ја изнесе песната во која се зборува за тагата за родниот крај и за татковината на помладиот од браќата Миладинови. Константин Миладинов во „Т’га за југ“ ја изразува својата неостварена последна желба да умре крај Охридското Езеро, но животот го завршил во зандана во Цариград на 18 јануари 1862 година.
Посветена на македонската дијаспора и на нејзината тага за родната грутка во Македонија, „Т’га за југ“, во изведба на Игор, во видеото започнува на 5:33 минути:
