Судот во Флорида одлучи дека компанијата Мекдоналдс мора на осумгодишно девојче да му плати отштета од 800.000 долари, затоа што добила тешки изгореници кога на ногата и паднал „пилешко мекнагет“ купено во нивниот ресторан.
Топлото пилешко и нанело изгореници на четиригодишната Оливија Карабало во 2019 година, кога го отворила својот среќен оброк во автомобил во Тамарач, во близина на Форт Лодердејл, објави Би-Би-Си. Нејзиното семејство бараше отштета од 15 милиони долари, а судот во мај утврди дека Мекдоналдс и неговата франшиза на таа локација се одговорни за повредата на девојчето. Адвокатскиот тим на семејството одлуката ја нарече значајна.
Среќна сум што го слушаа гласот на Оливија и што поротата успеа да донесе правична пресуда“, изјави мајката на девојчето, Филана Холмс. Таа им кажа на поротниците на судењето дека нејзината ќерка има лузна од изгореници и сака да се отстрани.
Адвокатите на семејството на судот му покажале слики од изгорениците, како и телефонска снимка од девојката како вреска откако била повредена. Претставниците на Мекдоналдс предложиле на суд девојката да добие отштета од 156.000 долари бидејќи, како што тврделе, имала болки само три недели, колку што и било потребно за зараснување на раната. Тие изјавија дека се уште ги посетува нивните ресторани.
