Од Кабинетот на претседавачот на Претставничкиот дом на Парламентарното собрание на Босна и Херцеговина, др. Денис Звиздиќ доби соопштение за медиумите кое го пренесуваме во целост:
„Претседателот на Претставничкиот дом на ПСБиХ др. Денис Звиздиќ во Њујорк се сретна со генералниот секретар на Обединетите нации Антонио Гутереш.
За време на средбата, претседавачот Звиздиќ го информираше генералниот секретар Гутереш за актуелната политичка, економска и безбедносна ситуација во Босна и Херцеговина, како и за фактот дека е формиран нов и попрогресивен Совет на министри на Босна и Херцеговина, кој е подготвен да работат на реализација на клучните надворешнополитички цели, а тоа се интеграциите во ЕУ и НАТО, зајакнување на владеењето на правото и подобрување на економската состојба.
Претседавачот Звиздиќ се осврна и на важноста од проширување на мисијата ЕУФОР во БиХ и рече дека се додека постојат намери на домашните политичари за поделби или сецесионистички идеи, како и аспирациите на нашите соседи да бидат учители и да се мешаат во нашите односи, важно е мисијата ЕУФОР да биде во БиХ.
Клучната порака од денешната средба со генералниот секретар Гутереш е дека архитектурата на Западен Балкан е завршена и дека Босна и Херцеговина се движи во насока на евроатлантските интеграции.
Генералниот секретар на Обединетите нации, Антонио Гутереш, за време на разговорот рече дека Обединетите нации го следат и силно го поддржуваат евроатлантскиот пат на Босна и Херцеговина како целосна, единствена, суверена и политички независна држава.
На средбата присуствуваше и постојаниот претставник на БиХ во Обединетите нации, амбасадорот Свен Алкалај.
