Денеска нè очекува студен есенски ден. Утрото ќе биде студено со појава на магла по одделни котлини. Преку денот променливо облачно со сончеви периоди. Ќе дува слаб до умерен ветер од јужен правец. Кон крајот на денот и во текот на ноќта во западните делови ќе има повремен локален дожд.
Во Скопје утрото ќе биде со услови за појава на магла. Преку денот се очекува променливо облачно време со сончеви периоди. Ќе дува слаб ветер од јужен правец.
Од среда до сабота под влијание на серија од влажни воздушни бранови времето ќе биде променливо облачно со повремени врнежи од дожд, наместа пообилни. Ќе дува засилен до силен ветер. Поради продор на постудена воздушна маса од север во петок во текот на ноќта и во сабота врнежите од дожд ќе преминуваат во снег на планините и на повисоките места.
