Македонската кошаркарска федерација која меѓу првите од сите спортски федерации во името ја вметна „Северна“, сега воведува друга „новина“ – задолжително интонирање на македонската химна пред секој натпревар во сениорска конкуренција.
УО на КФСМ на чело со претседателот Перо Антиќ минатата недела донел одлука за воведување на оваа новина и прогресивна казна за сите што нема да ја почитуваат одлуката, објави Спорт1.мк
Според одлуката на УО на КФСМ, која е заведена и во Пропозициите за натпреварување за сезоната 2023/2024 за сениорските лиги, ако некој натпревар почне без интонирање на химната, организаторот ќе биде казнет со 30.000 денари. Доколку пропустот се повтори, казната прогресивно се удвојува и теоретски, до крајот на сезоната може да достигне и фантастични 500 милиони евра.
Задолжително е и истакнувањето на националното знаме, но таму за непочитување на одлуката казната е фиксна и изнесува 5.000 денари за секој прекршок.
фото: МИА
