Холивудската актерка Деми Мур моментално престојува на Миконос.
Деми Мур, позната актерка и мајка на три ќерки, има 61 година и изгледа како да им пркоси на годините.
Нејзиниот изглед не престанува да ги воодушевува луѓето ширум светот, а во најновото видео на социјалните мрежи актерката покажа како се забавува на еден од најпопуларните грчки острови – Миконос.
Деми со години летува во Грција со семејството и пријателите, а најчесто тие го избираат популарниот Миконос.
Актерката била на роденденската забава на нејзината пријателка, каде што е направено видеото како таа танцува со другарките на кавер од песната „Pretty Woman“.
Грчките медиуми објавија дека холивудската актерка е на Миконос со нејзината пријателка Вероника Пастра. Деми за роденденот носеше зелен летен фустан.
Мајката на трите ќерки кои ги доби во брак со актерот Брус Вилис од пред неколку месеци е баба, но и покрај тоа Деми успева да го задржи епитетот на една од најубавите актерки во Холивуд.
