Дефектолог, кој бил приватно ангажиран да држи часови на малолетно дете, е пријавен за физички напад врз дете, соопшти МВР.
Н.П.(44) од Скопје на пријавил во СВР Скопје дека на 18 март годинава, околу 16.30 часот неговата сопруга му кажала дека нивната малолетна ќерка имала повреди во пределот околу ушите, кои ѝ биле нанесени од Е.С.(36) – дефектолог од Скопје, која приватно ја ангажирале да ѝ држи часови на нивната ќерка.
Со дефектологот бил извршен службен разговор во полициска станица и по целосно документирање на случајот ќе следи соодветен поднесок, информира МВР.
