Во денешната полициска акција приведени се Дарко Шариќ и неговиот адвокат Дејан Лазаревиќ.Според последните информации, Шариќ со часови бил испрашуван во вила на Дедиње, а потоа нешто по 18.15 часот бил спроведен во Службата за борба против организираниот криминал (СБПОК).
Распитот на Шариќ траел повеќе од осум часа, кога нешто по 18.15 часот бил пренесен во СБПОК.
Според достапните информации, станува збор за ново кривично дело – организирање на криминална група која извршила најтешки кривични дела.
Да потсетиме, Шариќ и претходно беше обвинет за шверц на кокаин и перење пари.
Инаку, Лазаревиќ е адвокат на Вељко Беливук и Марко Миљковиќ, кои се обвинети за најтешки кривични дела.
Медиумите јавуваат дека е приведен и Урош Мишиќ, навивачот на Црвена звезда, кој веќе е осуден на затворска казна за обидот за убиство на џандарот Небојша Трајковиќ.
Камерата на Н1 сними како маж со лисици го вадат од вилата на сопругата на Шариќ, но не можеме да потврдиме за кого се работи.
