Град Скопје наскоро ќе го презентира планот за штедење електрична енергија. Планот, како што изјави денеска градоначалничката на Скопје Данела Арсовска, е сеопфатен и содржи интервентни мерки за штедење.
Несакајќи да открива детали, Арсовска најави дека деновиве ќе биде презентиран планот пред јавноста.
– Верувам дека сите институции треба соодветно пред оваа енергетска криза што следи, во зимскиот период, добро да се подготвени и да направиме сè што е можно да ја надминеме оваа енергетска криза, а понатаму да прибегнеме кон намалување на непродуктивните трошења – рече Арсовска одговарајќи на новинарски прашања при денешната посета на Радишани.
