На социјалните мрежи често ги дознаваме скриените функции на нештата кои погрешно ги користиме со текот на годините, па така една девојка неодамна откри за што всушност служат рачките во автомобилите над прозорците.
Корисничката @sanne_vberkel објави видео на TikTok во кое ја покажа намената на рачката во автомобилот, поради што собра повеќе од 7,1 милиони прегледи од корисниците.
Во видеото, таа ја повлекува рачката над прозорецот на патникот, а потоа врти мала штипка внатре. Овој клип ја држи рачката на место, што го олеснува закачувањето на гардеробата.
Ова можеби не функционира во секој автомобил, но вреди да се провери дали постои на рачките на вашиот автомобил, пренесува Вечерњи.
