Сигурно сте слушнале дека е лошо, па дури и опасно, долго да оставате шише вода во врел автомобил. Дали е тоа само мит? Постојат бројни ситуации во кои сме принудени да складираме вода на подолг период, на пример, кога пакуваме вода за хуманитарна помош за населението на кое му се заканува природна катастрофа, пишува Лајвстронг.
Пред складирање, добро е да се знае дали одредени видови на вода имаат рок на траење и колку долго може да се чуваат отворени или да се консумираат.
Технички гледано, познато е дека флашираната вода нема рок на траење, но „материјалот од кој е направено пластичното шише може да се распадне и да испушти загадувачи во водата“, вели нутриционистот Ендрју Акафонг.
Диететичарот Абигејл Томас се согласува дека водата нема рок на траење, но елементите што ја опкружуваат ги менуваат хемикалиите во неа.
„Водата нема рок на траење, но има амбалажа која содржи вода. Пакувањето се распаѓа, а тоа на крајот директно влијае на водата“, објасни таа.
За разлика од флашираната вода што можеме да ја најдеме во продавниците, флашираната вода од чешма треба да се фрли по шест месеци, пишува Индекс.
„Водата од чешма може да се чува до шест месеци со минимален ризик од несакани ефекти доколку се складира правилно“, тврди диететичарот Мушуми Мукерџи.
Albanian
English
Macedonian
Turkish
