Дали страдате од непријатен мирис на телото? Тоа може да биде знак за овие болести

 Непријатниот мирис на телото е проблем за четири од десет луѓе во општеството, покажува истражувањето во кое учествувале 2.000 Британци во 2019 година. Дури 30 отсто од нив рекле дека избегнуваат да разговараат со други поради страв од непријатна миризба. Истражувањето откри дека непријатниот мирис на телото спречил повеќе од една третина од испитаниците да се гушкаат и да бидат интимни со некого. И додека потењето, или непријатниот мирис на телото, може да бидат предизвикани од вежбање или топло време, постојат и медицински состојби кои можат да го поттикнат, пренесува Индекс. Дијабетес Кога клетките се лишени од енергија од гликоза, тие почнуваат да согоруваат масти. Овој процес создава кетони, кои имаат тенденција да произведуваат мирис налик на ацетон што може да се намириса од здивот на една личност. Заболување на црниот дроб Лицето кое има тешка форма на заболување на црниот дроб, познато како fetor hepaticus, може да мириса лошо. Се вели дека овој мирис е сладок и мувлосан, а покрај здивот се чувствува и во урината. Болест на бубрезите Мирисот на телото понекогаш може да биде знак за бубрежна болест. Medical News Today наведува дека оштетените бубрези не можат да ја филтрираат крвта како што треба, а бубрежните заболувања предизвикуваат концентрација на хемикалии во урината и мирис на телото што наликува на амонијак. Дисфункцијата на бубрезите може да предизвика и високи нивоа на бактерии и протеини во урината, што ќе придонесе за непријатниот мирис. Ако сте загрижени за невообичаениот мирис на телото, контактирајте го вашиот општ лекар. Тоа ќе ви помогне да го идентификувате проблемот. Како да се ослободите од непријатниот мирис на телото? Наједноставниот и најосновниот лек е бања или туш. Националната здравствена служба на Велика Британија препорачува миење на пазувите, препоните и стапалата со сапун најмалку два пати на ден и темелно сушење. По миењето потребно е да се користи дезодоранс или антиперспирант. Ако проблемот продолжи, побарајте совет од вашиот лекар.