Јадењето лук има бројни придобивки за нашето здравје, но и една непријатна последица – лош здив. Ако се прашувате како да се ослободите од него, имаме совет.
Гума за џвакање веројатно нема да биде доволно за да го отстраните мирисот на лук од устата. Многу е подобро да се пие млеко, кое ја неутрализира неговата арома благодарение на бројните соединенија што ги содржи, пишува Индекс.
Друг докажан начин да се ослободите од лошиот здив е да пиете пијалок направен со мешање свеж сок од лимон и мед. Медот го балансира киселиот вкус на лимонот, додека цитрусот го освежува здивот.
Лукот не е само магична состојка која додава вкус на јадењата, туку е богат и со хранливи материи. Комбинацијата на хранливи материи е импресивна, од витамини Ц, Б1 и Б6 до калциум, манган, калиум и селен. Активните соединенија во лукот помагаат во намалување на крвниот притисок и лошиот холестерол. Заедно со неговите антибактериски својства, консумирањето лук или додатоци од лук исто така може да помогне во борбата против настинката.
