Го сакам кафето затоа што ни дава енергија и ни помага да се разбудиме, а многумина кои го сакаат овој пијалок најчесто избираат еспресо. Но, дали еспресото е навистина добро за вас и вашето здравје?Имено, еспресото има некои предности, но и недостатоци. Овој вид на кафе може лошо да влијае на вашето срце и варење.
Еспресото може да го загрози здравјето на срцето
Некои студии покажаа дека нефилтрираното кафе како еспресо може да има лош ефект врз здравјето на срцето.
Студијата од 2020 година објавена во Европскиот весник за превентивна кардиологија покажа дека постои врска помеѓу пиењето нефилтрирано кафе, како што е еспресо, и зголемен ризик од смрт од срцеви заболувања, исхемична срцева болест или мозочен удар.
Покрај тоа што еспресото може да го зголеми нивото на лошиот холестерол поврзан со срцевите заболувања, исто така има значително висока количина на кофеин, што може да му наштети на здравјето на срцето.
За повеќето возрасни, нормалната количина на кофеин што можат да ја внесат дневно е 400 милиграми, што е околу четири шолји кафе на ден. Но, ако пиете еспресо, имајте на ум дека има значително поголеми количини на кофеин од некои други пијалоци кои содржат кофеин.
Еспресото може да предизвика гастроинтестинални проблеми
Поради високата содржина на кофеин, еспресото може да го вознемири вашиот стомак. Исто така, еспресото може да ги влоши симптомите на ГЕРБ или гастроезофагеална рефлуксна болест.
Покрај тоа, кофеинот исто така ги забрзува контракциите во вашиот дигестивен тракт, па ризикот од дијареа може да се зголеми.
Придобивките од еспресо
Како и секој друг пијалок, еспресото има одредени придобивки. Може да ги подобри когнитивните способности, така што некои луѓе се чувствуваат побудни и поенергични после чаша еспресо.
Кофеинот има стимулирачки ефект врз нервниот систем, па можете да се чувствувате подобро и поконцентрирано после шолја еспресо, пишува Livestrong.
