Рускиот претседател Владимир Путин даде инструкции да им се обезбеди сета неопходна помош на жртвите од авионската несреќа во рускиот град Јејск, соопшти Кремљ. Претседателот ги сослуша извештаите на министрите и на шефот на регионот за состојбите, пренесува Мондо. На гувернерот, на шефот на Министерството за вонредни ситуации и на министерот за здравство им беше наредено да летаат до Јејск за да ја пружат сета потребна помош.
Повеќенаменскиот руски борбен авион Су-34 се запали и се урна во зграда во Јејск, а пилотите претходно скокнале. Едниот од моторите на авионот се запалил брзо по полетувањето, а требало да се изведува обука.
