Украинските бегалци, сместени во хотели на Сончев Брег на Црното Море во Бугарија, ќе бидат преместени во државни колективни сместувања, највероајтно во касарни, поради преголемите трошоци за хотелиерите и поради неизвесноста со грејната сезона – јавија повеќе бугарски медиуми.
За дел од украинските бегалци сместени во хотели денот почна без појадок – пишува БГНЕС.
Хотелиерите објасниле дека причината е што програмата за нивно сместување во одморалиштето завршила и до 15 ноември тие мора да бидат преместени во државни смесувања.
За овој грејс период од 15 дена не е јасно кој ќе им плати на хотелиерите за сместувањето.
– Денеска е прв ден, нема програма. Јас сум главен готвач овде, за да ги нахранам овие луѓе морам да набавам производи, не сме начисто на чиј трошок да ги нахраниме луѓето – изјави за БГНЕС готвачот Јордан Тодоров.
Хотелиерите се заканија дека од денеска ќе почнат да ги иселуваат Украинците од хотелите, иако сè уште не е јасно во кои државни објекти треба да бидат сместени и дали тие се подготвени да ги примат.
– Не знам дали ќе можеме лесно да им кажеме да излезат, но едноставно немаме можност, бидејќи само замислете што значи да се готви за 200 луѓе денес, три пати, а да се плати струја, вода. а трошоците од сопствен џеб – рече сопственичката на еден хотел.
Информацијата на хотелиерите беше потврдена од официјални извори.
– Бугарската преодна влада одлучи да ги пресели украинските бегалци од хотелите во државните бази во текот на зимскиот период. Влада сакаат да биде сигурна дека во зимски услови украинските бегалци ќе бидат на безбедно. Од сите европски земји, само Бугарија, Кипар и Ирска сè уште им пружаат гостопримство на неодредено време на украинските бегалци – соопшти министерот за внатрешни работи Иван Демерџиев.
Министерот за туризам Илин Димитров информираше дека досега на хотелиерите им се исплатени 523 милиони лева за сместување на бегалците.
