Бројот на загинати во разорниот земјотрес што ги погоди Турција и Сирија достигна најмалку 11.104, јавува Си-Ен-Ен.
Во Турција бројот на загинати се искачи на најмалку 8.574, а речиси 50.000 се повредени, изјави денеска турскиот претседател Реџеп Таип Ердоган во телевизиско обраќање за време на посетата на областите на катастрофата во близина на епицентарот на земјотресот.
Во Сирија, според официјални лица, загинале најмалку 2.530 луѓе во регионите под контрола на владата и бунтовниците.
Агенциите за помош и итните работници велат дека бројот на загинати најверојатно ќе се зголеми бидејќи многу луѓе остануваат заробени под урнатините, а временските услови ги попречуваат спасувачките напори.
