Бројот на родени во 2022 година во однос на 2021 година е намален во 11 породилишта, најголемо намалување е забележано во Марибор. Зголемување на родените е забележано во три породилишта, најголемо во Птуј.
Според неофицијални податоци, во 2022 година во словенечките породилишта имало 17.424 породувања, што е за 1.268 или 6,8 отсто помалку од 2021 година, објави Националниот институт за јавно здравје (НИЈЗ).
Конечниот број на родени деца сè уште не е познат, но врз основа на искуството од претходните години, околу три проценти од децата се родени по повеќекратна бременост (близнаци, тројки). НИЈЗ проценува дека мајките во Словенија минатата година родиле околу 17.600 новороденчиња.
Откако НИЈЗ ги следи податоците, најмал број деца се родени во 2003 година, а од тогаш до 2010 година се зголемува бројот на родени деца, по што бројот на родени деца повторно почна да опаѓа. Исклучок е 2021 година кога е забележан помал пораст. Во 2022 година повторно е забележан пад на бројот на раѓања, што е и најголем во овој милениум.
Бројот на родени во 2022 година во однос на 2021 година е намален во 11 породилишта, најголемо намалување е забележано во Марибор. Зголемување на бројот на раѓања во однос на претходната година е забележано во три породилишта, најголем процентуален пораст има во Птуј, соопштија и НИЈЗ.
