Кремљ денеска објави дека Русија ќе ги смета за закана сите планови за воспоставување постојано присуство на воени бродови на НАТО во Црното Море, со оглед на вмешаноста на Алијансата во руската војна со Украина.
Портпаролот на Кремљ, Дмитриј Песков, им одговори на новинарите на конференциска врска за новата стратегија за поморска безбедност на украинскиот претседател. Володимир Зеленски зборуваше за потребата да се осигура дека руската морнарица нема да доминира во Црното Море.
– Концентрираното присуство на бродови на НАТО – обрнуваме внимание на Бугарија и Романија, крајбрежните држави кои се членки на Алијансата – претставува дополнителна закана за Русија, особено во сегашната ситуација – рече Песков.
Портпаролот на Кремљ најави дека Русија „ќе ги преземе сите неопходни мерки за да ја гарантира сопствената безбедност“.
