Димитар Ковачевски денеска се согласија дека е потребна соработка и контакт со Европската унија (ЕУ) за да се реши прашањето за даноците што ги најави Бугарија за транспорт на руски гас.
Брнабиќ, по потпишувањето на меморандумот во Владата на Србија за изградба на брза железница што ќе ги поврзе Ниш и Скопје, рече дека Белград и Скопје ќе работат заедно на ова прашање, бидејќи предвидливоста на снабдувањето е клучна за создавање на енергетската политика.
Таа потсети дека Србија треба да го заврши делот од гасоводот Ниш-Димитровград до крајот на оваа година и дека за данокот на транзитот на рускиот гас се очекува поддршка од ЕУ и разговори со колегите од Бугарија.
Ковачевски оцени дека ова е прашање за ЕУ, бидејќи Бугарија не може сама да носи такви одлуки, ниту да избира дали е членка на ЕУ наутро, а не попладне.
Според неговите зборови, Северна Македонија ќе ги искористи сите законски можности за да го реши проблемот.
