Српската премиерка Ана Брнабиќ во Футог изјави дека речиси 12.000 домаќинства биле делумно или целосно уништени за време на невремето.
Брнабиќ рече дека во периодот од 19 до 24 јули вкупно 13 локални самоуправи прогласиле вонредна состојба, но дека најтешко се погодени градот Нови Сад и општината Бачка Паланка.
Таа рече и дека прелиминарно ги навеле штетите и дека приоритети за обесштетување на штетите ќе бидат станбените згради и основните и средните училишта, потоа здравствените установи и јавните објекти.
Брнабиќ рече дека штетата се мери во „стотици милиони евра“, а таа е најголема во локалните самоуправи во Војводина.
Таа рече дека утре ќе има состанок на работната група за санирање на последиците од поплавите што се случија, на која ќе се види како се одвива „исплатата и надоместокот на штетата“.
