Бесот не стивнува по контроверзниот потег на Новак Ѓоковиќ. По победата во 1. коло на Ролан Гарос, српскиот тенисер зеде маркер и на ТВ камерата напиша порака за Косово.
„Косово е срцето на Србија, престанете со насилството“, порача најдобриот тенисер на денешницата во врска со немирите на Косово во кои беа повредени повеќе од 80 лица, 30 војници на НАТО и околу 50 демонстранти.
Немирите во Косово избувнаа кога албанските градоначалници влегоа во општините во северниот, мнозински српски дел од земјата, што беше критикувано од САД и западните сојузници во петокот. Србите ги бојкотираа тие избори одржани во април.
Поради ваквата порака Ѓоковиќ заработи огромни симпатии од српската јавност, но неговиот потег не наиде на одобрување во Велика Британија. Оливер Браун, уредникот на спортската рубрика на Телеграф, во својата колумна жестоко го критикуваше потегот на српскиот тенисер.
Срамете го, оцрнете го, депортирајте го – на Новак Ѓоковиќ не му е грижа“, започна Браун.
