Украина нема потреба да користи британски ракети „Сторм Сенка“ внатре во Русија бидејќи „домашните“ дронови можат да им направат поголема штета на руските сили, тврдат САД. Во моментот, во врска со ова се разубедуваат и преубедуваат Американците, Велика Британија и Франција од една страна и украинскиот претседател Володимир Зеленски од друга страна, пишува ДејлиТелеграф.
Кавгата настана поради забраната наметната од Велика Британија која одбива да се користи oва моќно разорно оружје надвор од нејзината територија.
Зеленски постојано бара да му се дозволи да ги погоди руските цели со проектили за време на неговиот упад во Курск, во западна Русија. Но, американските власти се загрижени дека распоредувањето на ракетите „Сторм Сенка“ („Олуја сенка“) во самата Русија ќе се смета за ескалација од страна на Кремљ.
Всушност, оружјето првично беше испратено во Украина од Велика Британија за да помогне во туркањето на силите на Владимир Путин од Крим. Но, американските власти се загрижени дека распоредувањето на британските ракети со долг дострел во самата Русија ќе се смета за ескалација од страна на Кремљ и може да предизвика руска одмазда против партнерите на Украина.
Официјален претставник на администрацијата на Бајден изјави за Дејли Телеграф дека нема потреба да се испраќаат ракети „Сторм сенка“ во Русија бидејќи „домашните“ беспилотни летала што ги користат украинските сили веќе помагаат да се уништат цели.
– Украина всушност можеше да има вистинско влијание користејќи ја сопствената програма за УАВ (беспилотно летало) со долг дострел – рече претставникот на администрацијата на Џо Бајден за „Дејли Телеграф“ и додаде:
– Тие ја демонстрираа способноста да погодат некои од овие аеродроми кои се надвор од опсегот на„Сторм Сенка“ со нивните автохтони дронови што самите ги изработија.
Украина употреби самоубиствени беспилотни летала, една од најзначајните воени иновации во војната, за време на нејзиниот најнов упад на руска територија што започна на 6 август. Минатата недела, Зеленски рече дека украинските беспилотни летала погодиле четири руски аеродроми, но тврдеше дека успехот на мисијата покажал дека се потребни проектили.
– Има работи што не можете да ги правите само со дронови. За жал. Потребно е уште едно оружје – ракетно оружје – предупреди тој.
Зеленски рече и дека офанзивата во Курск можела целосно да биде избегната ако се користеле британските ракети.
Извори од Белата куќа изјавија за Телеграф во саботата дека повеќето аеродроми што се користат за бомбардерите се подалеку од линијата на фронтот од опсегот на „Сторм Сенка“ од 270 километри.
Други британски одбранбени извори кои ги поддржуваат ракетите што се користат во Русија рекоа дека тие всушност имале дострел од повеќе од 500 километри, додека Зеленски исто така тврди дека ракетите може да се користат и за да се погодат руските линии за снабдување, кои се поблиску до линијата на фронтот.
Сер Бен Валас, поранешен британски секретар за одбрана, рече дека германските ракети „Таурус“ би ѝ и помогнале повеќе на Украина во Курск, бидејќи германските ракети носат боеви глави кои можат поефикасно да ги уништат мостовите.
– Не би требало да имаме проблем да доставиме ракети „Сторм Сенка“ во Русија, но тоа нема да биде она што луѓето го замислуваат за да ја промени играта. Она што навистина ни треба е Германија да ги засили и да ги даде своите големи залихи на „Таурус“, заедно со Велика Британија, Франција и Италија, кои веќе го прават тоа. Тоа има способност и капацитет навистина да ѝ помогне на Украина во нејзината борба.
