Британскиот премиер Риши Сунак во четврток ќе објави легислатива за спроведување на „минималните нивоа на услуга“ насочени кон спречување на штрајковите, објави Тајмс доцна во средата.Законот ќе опфати шест сектори, вклучително здравството, железницата, образованието, противпожарната и граничната безбедност и ќе бара од некои членови на синдикатот да продолжат да работат за време на штрајкови за да се одржи „минимално ниво“ на услуга.
Британија оваа зима се соочува со бран индустриски акции и штрајкови кои парализираат различни сектори, вклучително и железничката мрежа и здравствениот сектор, поради зголемената инфлација и долгорочниот стагнантен раст на платите, пишува Ројтерс.
Штрајковите ќе се сметаат за незаконски доколку синдикатите одбијат да обезбедат „минимално ниво на услуга“, весникот цитираше владин извор.
Според владините планови за ограничување на правото на штрајк, работодавачите ќе можат да ги тужат синдикатите и да отпуштат персонал, се додава.
Кабинетот на премиерот не одговори веднаш на барањето на Ројтерс за коментар.
Објавувајќи ги плановите за воведување закони против штрајкови, Сунак минатиот месец изјави за Дејли Мејл дека овој потег ќе ги заштити животите на луѓето и ќе го минимизира нарушувањето на нивните животи.
