Британскиот медиум Би-Би-Си направи неколкучасовна грешка кога на своите сервиси твитна дека Новак Ѓоковиќ никогаш не освоил титула во Монте Карло. Би-Би-Си ја избриша грешката, но во неколкуте часа фановите на Новак го коментираа твитот. Ова се случи откако Ѓоковиќ успеа да го совлада Австралиецот Алекс де Минор и да се пласира во полуфиналето на Монте Карло, пишува Мондо.
Тоа значи дека најдобриот српски спортист го делат само две победи од првата титула во тековната сезона, но и рекорд кој веројатно никогаш нема да биде соборен.
Новак во 2013 година го победи Рафаел Надал во финалето на Монте Карло, а две години подоцна на истото место беше подобар од Томаш Бердих за својата втора титула.
Сепак, турнирот во Монте Карло е во втор план за српскиот тениски ас оваа сезона. Тој се стреми кон трофеј на Ролан Гарос за да стигне до својата 25. Грен слем титула, а потоа и кон олимпиското злато.
