Резултатот е изведен од „златниот однос на убавината“, математичка равенка која треба да ги мери идеалните пропорции на лицето, а ја пресметал пластичен хирург од Лондон.
Џоди Комер, 29-годишната британска актерка позната по улогата на атентаторот Виланел во шпионската серија „Killing Eve“, наводно има „совршено лице“. Овој резултат доаѓа од математичката равенка која би требало да ги мери идеалните пропорции на лицето, а ја пресметал естетскиот хирург од Лондон Џулијан Де Силва. Тој ја адаптирал математичката равенка што првично ја користеле архитекти и уметници за да создаде ремек-дела за луѓето. „Се мерат должината и ширината на лицето, а потоа резултатите се делат. Колку збирот на овие бројки е поблиску до 1,6, толку лицето е поблиску до златниот пресек. Нагласена е и симетријата и еднаквите пропорции. „Должината на ушите треба да биде еднаква на должината на носот, а ширината на едното око треба да биде еднаква на растојанието помеѓу двете очи“, вели Де Силва.
Според пресметката на хирургот, Џоди Комер има резултат од 94,52%. „Најдобар резултат за ширината и должината на нејзиниот нос“, коментира докторот на својот Инстаграм профил, пред да додаде: „Таа беше блиску до врвот во однос на формата на усните и положбата на очите. Нејзината брада е прекрасно обликувана и целокупната форма на нејзиното лице е навистина силна“. На листата на познатиот хирург се и Зендаја (94,37%), Бела Хадид (94,35%) и Бијонсе (92,44%). Меѓу „победничките“ на ова рангирање се Аријана Гранде, Тејлор Свифт и Ким Кардашијан.
