Британскиот премиер Борис Џонсон е заинтересиран за францускиот проект Европска политичка заедница, односно европска „втора лига“ со цел Велика Британија по Брегзит повторно да се ангажира во Европа, соопшти Елисејската палата по средбата на Џонсон со францускиот претседател Емануел Макрон. Планот на Макрон првично се однесуваше за земјите од Западен Балкан, но и Украина и Молдавија, земји кои споро се движат кон Унијата, но би имале бенефит од нула царини, визи и од европски пари.
Во соопштението се наведува дека Макрон забележал голем ентузијазам кај Џонсон кога зборувал за Европската политичка заедница.
Макрон и Џонсон, на средбата, што се одржа на маргините на Самитот на Г-7, се согласиле дека сега е можен пресврт на текот на војната во Украина.
