Ријана на 34 години го чека своето прво дете, среќната вест ја потврди со разголено издание и го покажа трудничкиот стомак!
Сега таа се појави во долна облека на ревијата на „Диор“ како дел од Париската модна недела и предизвика вистински хаос меѓу толпата луѓе на улица кои дојдоа да ја видат.
Пејачката за оваа пригода облече целосно проѕирна ноќница под која се гледаа нејзиниот градник од тантела и танга гаќички, а се наметнала со кожен капут.
Внимание не ѝ пречело и самоуверено им позирала на насобраните фотографи во разголено издание, притоа галејќи го трудничкиот стомак.
Иако од почетокот на кариерата има грст разголени изданија, откако ја објави бременоста, со секое ново појавување успева да се надмине себеси, па неодамна во Милано покажа и повеќе отколку што сме навикнати.
Веста за породувањето Ријана ја објави и со разголени фотографии направени на улиците на снежниот Њујорк, а за снимањето облекла долга розова јакна која ја откопча и го откри својот стомак. Таа претходно неколку месеци успешно ја криеше својата бременост од јавноста, а таткото на детето е раперот АСАП Роки.
За нивната врска почна да се шпекулира неколку месеци откако таа раскина со милијардерот Хасан Џамел на почетокот на 2020 година, а неодамна се појавија гласини дека тие се свршиле.
Ријана и АСАП беа пријатели со години пред тоа, а интересно е што првите гласини дека меѓу нив има нешто повеќе од пријателство се појавија уште во 2013 година, но раперот тогаш коментираше само дека Ријана е секси, но дека не ја гледа со тие очи.
