Минатиот викенд во Финска американскиот актер Бред Пит дискретно ги претстави своите скулпторски дела на заедничка изложба.
„Беше возбудливо и прекрасно“, рече Саријан Соиконен, куратор на Музејот на уметност во Тампере, третиот по големина град во Финска.
Актерот (58) е самоук скулптор и за прв пат изложил девет дела на заедничка изложба во музејот.
Меѓу неговите дела, изложбата вклучува голема гипсена плоча што претставува пукање, како и серија силиконски скулптури во облик на куќа, од кои секоја е погодена со куршуми од различен калибар.
На големо изненадување на Финците кои не се навикнати на гостувањата на холивудските ѕвезди, актерот во саботата на изложбата дојде во придружба на австралискиот музичар Ник Кејв, кој изложи и дел од неговите дела.
„За Ник и јас, тоа е нов свет и нов пристап. Едноставно се чувствува добро“, изјави Пит за финските медиуми, кои не беа информирани за неговото доаѓање.
