Со победата од 3-1 против Атлетико Минеиро во финалето на Копа Либертадорес, Ботафого го обезбеди последното, 32. место на најбројното Светско клупско првенство во историјата.
Ова е прва титула во Копе Либертадорес за Ботафого, освоена во нивното деби финале. Со вкупно 24 титули, Бразилците сега ја намалија разликата од водечката Аргентина на само една титула. Доминацијата на бразилските клубови ја потврдува и фактот што победија во последните шест изданија на ова натпреварување.
Најмасовното издание на Светското клупско првенство ќе се одржи од 15 јуни до 13 јули 2025 година во Соединетите Американски Држави. Ждрепката за турнирот ќе се одржи на 5 декември 2023 година. На турнирот ќе учествуваат дванаесет клуба од Европа, шест од Јужна Америка, пет од Северна и Централна Америка, четири од Азија, четири од Африка и еден од Океанија.
Бразил ќе има четири претставници, најмногу од која било земја. Аргентина, Англија, Италија, Германија, Португалија, Шпанија и Мексико ќе имаат повеќе од еден клуб. Учесници од Европа се: Реал Мадрид, Атлетико Мадрид, Манчестер Сити, Челзи, Баерн Минхен, Борусија Дортмунд, Интер, Јувентус, Пари Сен Жермен, Бенфика, Порто и Салцбург.
Палмеирас, Фламенго, Флуминенсе, Ботафого, Ривер Плата и Бока Јуниорс доаѓаат од Јужна Америка. КОНКАКАФ ќе го претставуваат Монтереј, Клуб Леон, Пачука и Сиетл Саундерс. Азиски претставници се Ал-Хилал, Урава Ред Дајмондс, Ал-Аин и Улсан Хјундаи.
Африка ќе ја претставуваат Ал-Ахли, Вајдад Казабланка, Есперанс де Тунис и Мамелоди Сандаунс. Оукленд Сити ќе ја претставува Океанија, додека Интер Мајами е претставник на домаќинот на турнирот.
