Во неделата попладне во Белград е убиен братот на потпретседателот на Владата на Федерацијата БиХ, Војин Мијатовиќ, потврди српскиот министер за внатрешни работи Ивица Дачиќ.
„Синоќа околу 18-19 часот полицијата добила повик дека имало тепачка, отишле на адресата во Вождовац, го пронашле повредениот со сопругата. Го однесоа во Урегентна и таму почина“, изјави Дачиќ за ТВ Блиц.
Како што пренесуваат белградските медиуми, Ѓорѓе Мијатовиќ починал откако бил претепан од хулигани во детскиот парк во Вождовац.
Според неофицијални информации со кои располага Телеграф.рс, тој бил претепан од две млади момчиња по кои полицијата се уште трага.
Дачиќ нагласи дека се утврдува дали тој починал од ударите кои ги добил. Аутопсијата ќе утврди, лекарите велат дека имал и некои епилептични напади“, изјави Дачиќ.
За случајот е информирано Вишото јавно обвинителство во Белград, кое побарало обдукција.
Како што дознава Телеграф.рс, синот на Мијатовиќ вчера му се пожалил на татко му дека млади луѓе го малтретирале во паркот и му ја украле топката. Мијатовиќ потоа отишол кај нив, а по кратка дискусија младите го нападнале и го претепале. Тој во тешка состојба бил примен во болница каде им подлегнал на повредите.
Да потсетиме, медиумите во Босна и Херцеговина претходно објавија дека братот на Мијатовиќ бил убиен во неделата попладне во Карабурма, но ова е уште еден инцидент во кој постар човек е избоден со нож.
