Високиот претставник на ЕУ за надворешна политика и безбедност, Жозеп Борел, денеска изјави дека рускиот министер за надворешни работи „агресивно одговорил“ на повиците за време на регионалниот форум на АСЕАН Москва да ги повлече своите војници од Украина.
Борел им изјави на новинарите на маргините на форумот во Џакарта, Индонезија, дека рускиот министер за надворешни работи Сергеј Лавров барањето за повлекување го нарече дел од заговор на Западот, пренесува Ројтерс.
Министрите на Русија и на САД, Лавров и Ентони Блинкен се во Џакарта, но се чини дека нема да има можност за нивна приватна средба поради, како што јави ТАСС, „насобраните разлики во мислењата“ и нивните различни програми за престој.
