Уште колку време треба да чекам за лекот „трифакта“? Ова е крајно понижувачки. Никому не би посакал на ваков начин да се бори за своите права, преку медиуми и социјални мрежи – напиша на својот профил на Фејсбук Игор Пехчевски, еден од 64-те регистрирани болни од цистична фиброза, кои го чекаат лекот кој им овозможува нормално да живеат.
Претходно премиерот Димитар Ковачевски изјави дека се подготвуваат измени во Законот за набавка на лекови за да може државата лекот да го купи директно од производителот, за да постигне пониска цена затоа тшо е исклучително скап. Во меѓувреме еден од болните од оваа болест, 42-годишниот Благојче Илиевски почина чекајќи го лекот.
