Барам Кривичен суд да приложи доказ дека судијата Огнен Ставрев во деновите 31 јануари, 1, 2, 3 февруари бил на боледување – се вели во реакцијата на осудениот Бојан Јовановски, Боки 13, откако судот објасни дека потписот на решението со кое се одбива неговоро барањето да му се прекине издржувањето на затворската казна поради болест, не е фалсификат, туку дека наместо судијата Огнен Ставрев, кој бил на боледување, се потпишала судијката која го заменувала.
„Барам да се вратат камерите од Кривичниот суд, од кои со сигурност ќе се утврди дека судијата бил таму, на работа. Дотолку повеќе што и мојот адвокат Владимир Туфегџиќ во овој период се сретна со сега покојниот судија Ставрев во Кривичниот суд. Единствени кои го злоупотребуваат покојниот судија се тие, односно претседателот Иван Џолев. Бидејќи на тој начин, Кривичниот суд го донесе ова фалсификувано и антидатирано решение. Сите истанци каде е покрената постапка, ќе ја утврдат вистината“ – пишува адвокатскиот тим на Боки 13 во реакцијата.
