Градот Скопје ги прослави успесите на своите врвни спортисти на годишната церемонија за доделување на спортски признанија, организирана во соработка со Сојузот на спортови на Скопје. Признанијата за најдобрите спортисти и тренери за 2024 година ги врачија градоначалничката Данела Арсовска и претседателот на Сојузот на спортови, Зоран Стојановиќ.
Во сениорската категорија, престижната награда за најуспешен спортист на Град Скопје ја доби Бобан Илиоски од Кик-бокс клубот „Шампион“. Како Европски шампион во кик-бокс, Илиоски го освои златниот медал и титулата на Европското првенство во Атина, каде што во конкуренција на 982 натпреварувачи и 1133 натпреварувачки влезови од 41 држава, успеа да го потврди својот статус како еден од најдобрите европски и светски кикбоксери.
За најуспешен тренер на Град Скопје за 2024 година беше прогласен Дејан Митровски, исто така од Кик-бокс клубот „Шампион“, што уште еднаш го потврдува високото ниво на професионалност во овој клуб.
Во категоријата спортисти со инвалидност, наградата за најуспешен спортист ја доби Стоилко Стоицев од Планинарскиот клуб „Македон“.
Град Скопје уште еднаш го потврди својот статус како град на спортот, прославувајќи ги успесите на своите спортисти и тренери кои го поставуваат градот на спортската мапа на Европа и светот.
Најуспешни 10 спортисти во сениорска категорија (мажи и жени) се:
Бобан Илиоски – Кик бокс клуб Шампион
Дарио Ивановски – Атлетски клуб Скопски Маратон
Тони Лазов – Шаховски клуб Алкалоид
Милијана Рељиќ – Таеквондо клуб Тигри
Михаела Мишовска – Карате клуб Олимпик Спорт 2007
Андреас Трајковски – Атлетски клуб Работнички
Петар Заборски – Карате клуб Макпетрол
Стефан Михајловски – Кик бокс клуб Прокик Фемили
Симона Заборска – Карате клуб Макпетрол
Петар Спасеновски – Карате клуб Макпетрол
Најуспешни 10 спортисти во младинска категорија (мажи и жени):
Силвио Мировски – Кик бокс клуб Гладијатор
Стефан Стојановиќ – Карате клуб Макпетрол
Витомир Трајковски – Карате клуб Макпетрол
Никола Ѓуретановиќ – Пливачки клуб Вардар 2018
Данило Божовиќ – Карате клуб Макпетрол
Максим Митровски – Кик бокс клуб Шампион
Ива Богдановска – Џудо клуб Миоки
Петар Дамјаноски – Мечувалечки клуб Ескрим
Огнен Бундалески – Мечувалечки клуб Ескрим
Јосиф Малински – Триатлон клуб Триоги Рејсинг
