По прекрасната изведба на ,,Мојата Македонија”, Ајдин Османовиќ и неговиот професор Јасмин Брашњиќ со уште потешка задача.
Момчето од Босна и Херцеговина со бисерен глас ги освои симпатиите на Македонците, но и на сите љубители на музиката од Екс-Ју просторите. Сега Ајдин и Јасмин си поставија тешка задача, а тоа е изведбата на прекрасната македонска песна – „Заветна“.
– Заветна е песна која обединува. Тоа е парче музика за душата на Македонецот но и многу тешка за изведба песна. Се обидов да му ја објаснам ‘тежината’ на оваа песна на мојот Ајдин и за пеење и за нејзината суштина – вели учителот Брашњиќ.
– Сета тага, сета болка, сета љубов, но и завет на Македонците се раскажува низ само една песна – додава тој.
Оваа изведба иако само пред неколку денови веќе ги руши рекордите на слушаност ширум Балканот и светот. Инаку приказната на „бисерното грло“ младиот дванаесетгодишен Ајдин Османовиќ започна пред само една година кога тој и неговиот професор Јасмин Брашњиќ во нивниот музички кабинет наречен ,„кабинет на емоции“ ја испеаја нашата „Јано мори“ и го освоија Балканот.
Младиот Ајдин Османовиќ со неговиот професор беа во посета на Македонија во декември минатата година и беа гости на тогашниот претседател Стево Пендаровски.
Тие се многу гостољубиви и срдечни, многу горди на своето богато културно наследство. Топли и сакаат дружба, сакаат добра храна и кај нив сигурно ќе уживате и ќе јадете од најдоброто – вака професорот Јасмин Брашњиќ ја почнува приказната која стои запишана под изведбата на „Мојата Македонија“ на Ајдин Османовиќ.
– Вредни и посветени на работата, ја сакаат природата, се гордеат и уживаат во пејсажите на својата земја, со радост ќе ве запознаат со убавините на преубавата Македонија, додава професорот. А за музиката во Македонија? – професорот Брашњиќ ќе ви рече – „Е тука се единствени во светот. Го засакаа нашиот Ајдин како да е дел од нив. Песната Мојата Македонија ја обработивме на свој начи за сите наши пријатели“, вели Брашњиќ.
А нам по овие зборови и описи на Македонија и Македонците, не ни останува ништо друго освен да уживаме во бисерното грло на Ајдин Османовиќ.
