Актерките мора да научат да кажуваат „не“ на улогите кои ги претвораат жените во предмети, изјави познатата француска актерка Жилиет Бинош на филмскиот фестивал во шпанскиот град Сан Себастијан, каде ќе добие награда за актерската кариера.
Актерката, која во 1996 година доби Оскар за најдобра актерка во филмот „Англиски пациент“, рече дека таа самата одбивала такви улоги во текот на нејзината кариера и дека тоа не е секогаш лесно.
„Не е секогаш лесно, но треба да се знае и да се скокне во непознатото каде повеќе не сте во кодовите на мачо општеството“, вели Бинош (58).
Актерката, која има одиграно околу 75 различни улоги од почетокот на нејзината кариера во 1983 година, рече дека се труди „никогаш да не ја осудува улогата, туку да ја прифати со сите нејзини противречности и темна страна, бидејќи на крајот тоа е она што го прави еден лице.”
