Германија се подготвува за војна меѓу НАТО и Русија, која, според сценариото на германското Министерство за одбрана, би можела да започне во летото 2025 година по поразот на Вооружените сили на Украина, пишува германскиот таблоид Билд повикувајќи се на таен документ на Бундесверот – германската армија.
„На денот X, според таен документ на Бундесверот, врховниот командант на НАТО ќе нареди трансфер на 300 илјади војници на источното крило, вклучително и 30 илјади војници на Бундесверот“, се вели во публикацијата.
Како што пишува „Билд“, ескалацијата би можела да започне веќе во февруари 2024 година со почетокот на активната офанзива на Русија на позициите на АФУ, што до јуни истата година, според написот, ќе заврши со повлекување на украинската армија.
„Акциите на Русија и Западот кои кулминираа со испраќањето на стотици илјади војници на НАТО и неизбежното избувнување на војна во летото 2025 година, се опишани во детал до точната локација и месецот“, се вели во статијата.
Според написот, германската војска смета дека најверојатно место за конфликт е коридорот Сувалки помеѓу Белорусија и регионот Калининград. Но, авторите на статијата го оставаат отворено прашањето како ќе заврши оваа хипотетичка ескалација.
Русија постојано нагласува дека не претставува закана за ниту една од земјите на НАТО, но нема да игнорира дејствија кои се потенцијално опасни за нејзините интереси. Во исто време, таа останува отворена за дијалог, но на рамноправна основа, а Западот мора да се откаже од курсот на милитаризација на континентот.
