Цените на бензините и на маслото за домаќинство се зголемуваат за 1,50 денари залитар, а дизелот поскапува за 2 денари, одлучи Регулаторната комисија за енергетика.
Малопродажната цена на „еуросуперот БС-95“ од полноќ ќе изнесува 81 денар за литар, на „еуросуперот БС-98“ ќе изнесува 83 денари за литар, додека малопродажната цена на „екстра лесното масло за домаќинство (ЕЛ-1)“ ќе изнесува 73 денари за литар.
„Еуродизелот (Д-Е V)“ поскапува за 2 денара и од полноќ ќе чини 73,50 денари за литар.
Малопродажната цена на Мазутот М-1 НС се зголемува за 1,815 денар/килограм и ќе се продава по цена од 46,537 денари за килограм.
