Директорот на ЦИА, Вилијам Барнс, наводно му понудил на рускиот претседател петтина од Украина во замена за крај на војната, објави во четвртокот швајцарско-германскиот весник НЗЗ, цитирајќи германски и странски политичари. Извори од ЦИА и од Белата куќа за Њузвик го демантирале овој напис како „целосно лажен“.
Минатиот месец, Барнс патуваше во тајност за да се сретне и да го информира украинскиот претседател Володимир Зеленски во Киев, објави и Вашингтон пост. Се вели дека Барнс го поднел планот во средината на јануари за ставање крај на војната.
Според весникот, и Киев и Москва, наводно, го отфрлиле предлогот со кој територија приближно со големината на регионот Донбас би била отсечена. Киев, наводно, го одбил предлогот „затоа што не се подготвени да ја поделат нивната територија“, додека руските официјални лица рекле дека „сепак ќе ја добијат војната на долг рок“.
Шон Дејвет, заменик-портпаролот на Советот за национална безбедност на Белата куќа, изјави за Њузвик дека извештајот од НЗЗ е „неточен“ и дека ЦИА ќе го каже истото. Но, што вели статијата?
САД ги впрегнаа тенковите откако Киев и Москва го одбиле планот?
Во написот германските политичари изјавуваат дека Бајден сакал да избегне долготрајна војна во Украина и затоа ја понудил територијата како дел од мировниот план. А, дури откако Украина и Русија го одбиле предлогот, администрацијата на Бајден ветила дека ќе му обезбеди на Киев тенкови „Абрамс“, се вели во статијата на германско-францускиот весник што ЦИА го негира.
САД објавија на 25 јануари дека ќе испратат на Украина 31 тенк „М1 Абрамс“, по многу дебати и размислувања за ова прашање. Според извештаите, на тенковите можеби ќе им требаат месеци за да пристигнат.
САД се думаат за војната
И двата извори, едниот од Белата куќа, а другиот од ЦИА, наводно, рекле дека американските власти се поделени околу тоа како да се справат со војната во Украина, која започна пред речиси една година.
Бернс и советникот за национална безбедност на Бајден, Џејк Саливан „сакаа брзо да ја завршат војната за да можат да се фокусираат на Кина“, додека државниот секретар Ентони Блинкен и секретарот за одбрана Лојд Остин „не сакаа да дозволат Русија да се извлече со уништувањето на мировен поредок заснован на правила и повикаа на голема воена поддршка за Украина“.
Војната ќе биде долга и скапа, ќе страда и Германија
Во написот на швајцарско-германскиот весник еден политичар изјавува дека верува дека станува сè појасно дека САД се подготвуваат за долга војна со големи трошоци. Тој истовремено изразува загриженост дека Германија ќе страда економски, финансиски и воено од таква војна.
Дмитриј Полјански, првиот заменик постојан претставник на Русија во Обединетите нации, за Њузвик изјавил дека извештајот од швајцарско-германскиот весник е „интересен“, но дека не би коментирал шпекулации.
Портпаролот на Владимир Путин, Дмитриј Песков , во понеделникот изјави за новинарите дека преговорите меѓу Русија и Украина „сега се невозможни бидејќи за нив нема услови ниту де факто ниту де јуре“.
