Официјално е потврдено дека од патниците кои доаѓаат во САД повеќе не се бара да имаат доказ за вакцинација против корона вирусот. Тоа значи дека српскиот тенисер Новак Ѓоковиќ ќе може да настапи на УС Опен, Грен слем турнирот што се одржува во Њујорк во август и септември.
Поради статусот на вакцинација, Ѓоковиќ веќе ги пропушти Мастерсот во Индијан Велс и Мајами во тековната сезона, а во претходната не можеше да настапи во Њујорк на последниот Слем годинава.
„Администрацијата на Бајден-Харис ќе стави крај на барањата за вакцинација против Ковид-19 за сите федерални вработени, подизведувачи, меѓународни патници, работници во образованието…“, се вели во официјалното соопштение на веб-страницата на Белата куќа.
УС Опен започнува на 28 август и ќе трае до 10 септември, а титулата ја брани Карлос Алкараз.
Albanian
English
Macedonian
Turkish
