Бебе загина во гранатирањето во украинскиот град Мариупол, објави Си-Ен-Ен.
Марина Јацко, заедно со нејзиното момче итно се упатиле во болница, откако нејзиниот 18-месечен син Кирил бил ранет во гранатирањето.
Фотографот на Асошиетед прес Евгениј Малолетка ја снимил сцената додека медицинските работници избезумени попусто се обидувале да го спасат животот на бебето.
Мариупол е под опсада на руските сили и иако за денеска со руската војска беше договорен времен прекин на огнот за преку хуманитарен конвој да се извлечат големиот број ранети и цивили, украинските власти ја обвинија Русија дека го гранатирала градот и цивилните коридори кои водат од него.
