Цената на нафтата надмина 100 долари за барел како резултат на најавата на средба на Организацијата на земјите извознички на нафта и сојузниците (OPEC+) и ескалацијата на состојбата во тајванскиот залив по посетата на претседателката на Претставничкиот дом на американскиот Конгрес, Ненси Пелоси
Барелот нафта на лондонскиот пазар пред вчерашното затворање, порасна за 31 цент, на 100,34 долари. На американскиот пазар барелот се тргуваше по 40 центи повисока цена, по 94,29 долари.
За денеска е најавен состанок на ОПЕК + во кој е и Русија. Се очекува да се разговара за скромно зголемување на производството, но дека нема да биде донесена конечна одлука .
Загриженост на пазарот предизвика и посетата на претседателката на Претставничкиот дом на Конгресот на САД, Ненси Пелоси, на Тајван, со можна ескалација на тензиите меѓу Соединетите Американски Држави и Кина.
