Македонскиот репрезентативец Енис Барди, добил потценувачка понуда од неименуван клуб од Саудиска Арабија. Смешната понуда и опцијата за негов трансфер експресно била одбиена од неговиот клуб, турскиот Трабзонспор.
Според информациите во турските медиуми, саудискиот клуб во Трабзонспор испратил понуда да го земат Барди на едногодишна позајмица за сума од 300.000 евра, на што турскиот клуб експресно одговорил дека тоа е неприфатливо.
Цената што ја понудил саудискиот клуб е смешна во споредба со цифрата што ја бара Трабзонспор за македонскиот реопрезентативец. Турскиот клуб го продава Барди само под еден услов, заинтересираниот клуб да плати најмалку 4 милиони евра. Неколку клубови се подготвени да ја платат сумата што ја бара Трабзонспор и да го земат Барди во своите редови. Како можна следна дестинација за македонскиот фудбалер се споменуваат клубови шпанска Жирона, италијански Торино, англиски Хал и американскиот клуб ЛА Галакси.
Барди минатата година дојде во Трабзонспор по пет години поминати во шпанскиот клуб Леванте. Трансферот чинеше 3 милиони евра.
Во Саудиска Арабија играат двајца македонски репрезентативци, Дарко Велковски во Ал Етифак и Александар Трајковски во Ал Фејха.
