Банкоматите низ Европа се цел на нов опасен софтвер наречен EU ATM Malware.
Според експертите, новиот вирус станува многу популарен меѓу лицата кои на лесен начин сакаат да дојдат до пари бидејќи неговата ефикасност се проценува на 99%.
Вирусот е ефикасен кај голем број банкомати од големи производители. Се наведува дека од еден банкомат за неколку минути може да се подигнат до 30.000 долари.
Присуството на различни режими на работа му овозможува да се прилагоди на специфични цели и услови за напад.
Сајбер нападите врз банкоматите се многу популарни и профитабилни, пред се затоа што обезбедуваат инстант готовина.
