Американскиот претседател Џозеф Бајден денеска телефонски разговараше со украинскиот претседател Володимир Зеленски за да ја нагласи посветеноста на САД на поддршката на Киев, во пресрет на втората годишнина од почетокот на руската инвазија, соопшти Белата куќа.
„Украинската војска беше принудена да се повлече од Авдијевка, откако украинските војници мораа да рационализираат муниција поради намалените залихи како резултат на неактивноста на Конгресот, што резултираше со првата значајна добивка на Русија по неколку месеци“, се наведува во соопштението.
Се додава дека Бајден ја истакнал потребата американскиот Конгрес итно да усвои закон за испраќање дополнителна помош за украинските сили.
„Претседателот Бајден ја потврди силната поддршка на американската влада и американскиот народ за суверенитетот и територијалниот интегритет на Украина“, соопшти Белата куќа.
