Американскиот претседател Џозеф Бајден го нарече израелскиот премиер „проклето лошо момче“ поради тензиите меѓу двајцата лидери околу конфликтот меѓу Хамас и Израел, пишува „Тајмс оф Израел“.
Порталот Политико ги пренесува зборовите на официјален претставник на Белата куќа кој се осврна на поддршката на Бајден за Израел во конфликтот со Хамас, што предизвика незадоволство кај многу гласачи на Демократската партија. Некои од собирите на администрацијата на Бајден беа прекинати поради демонстрантите кои бараат итен прекин на огнот во Газа.
Бајден се повеќе се сомнева во исправноста на одговорот на израелскиот премиер Бенјамин Нетанјаху на нападот на Хамас на 7 октомври минатата година и приватно го нарече „проклето лошо момче“, откри неименуван извор од Белата куќа.
Портпаролот на Бајден, Ендрју Бејтс, негираше дека претседателот го рекол тоа и нагласи дека двајцата лидери со години негуваат однос со почит, и јавно и приватно.
По нападот на Хамас, администрацијата на Бајден испрати оружје во вредност од стотици милиони долари во Израел, заобиколувајќи ја ревизијата на Конгресот.
Во исто време, Белата куќа продолжува да го повикува Тел Авив да дозволи доставување хуманитарна помош во Газа и наводно размислува да ги искористи резервите на оружје како начин да изврши притисок врз Израел да го намали интензитетот на неговите операции во Појасот Газа.
Џо Бајден, Бенјамин Нетанјаху, војна во израел, САД, лошо момче
