Несреќа се случила во центарот на Загреб кога се запалил багер кој бил користен за поправка на пукната цевка, а како што објавија хрватските медиуми, најверојатно багерот удрил во цевката за гас и го запалил плинот.
– На интервенција дојдоа пет противпожарни возила и 16 пожарникари кои ја разладија машината и ги изгаснаа пламените јазици високи над десет метри. Изгореле и трамвајските жици кои паднале на подот, а со тоа настанала голема искра – наведуваат од Противпожарната бригада и додаваат дека возачот на багерот е повреден и итно пренесен во болница.
